الحان او فكره ورؤيه محمد الشحي

كلمات حسين خميس

توزيع الموس

مكس ماستر حميد العوضي


كلمات الأغنية 


أحبك يا بعد عمري 

وأحب اللي يحبونك


وأحب أهلك وجيرانك 

 وكل الناس من شانك.


وأحب الأرض لي توطي 

 عليها تمشي بهونك


وأحب بلاد مسكنكم 

وأحب الدار وأوطانك.


وأحب البلبل الشادي 

بأجمل وأعذب لحونك


وأحب الناسم الغربي 

إذا هيج لك أشجانك.


وأحبك عد ما غنّا 

 حمام الورق بغصونك


وأحبك عد ما تشدو 

طيور الحب بألحانك.


وأحب الليل والنجمه 

يلي تضوي على لونك


وأحب الصبح واشراقه 

يزيح الهم وأحزانك.


وأحب الشمس والقمره 

ترى ما تنور بدونك 

                  وأحبك عد ما توقف 

وما تجلس بديوانك.


وأحب أرسم تعابيري 

وأشوف السحر بعيونك


وأحب آصوّر البسمه 

وأشوف الدر بأسنانك.


وأحبك عد من غنّا

وما لحّن من فنونك


وأحبك يا بعد روحي 

عدد ما ينطق لسانك.




Danden Switcher

Colors:

Themes: